Month: Agosto, 2006

Pablo Auladell

31 Agosto, 2006 (20:23) | Blogs, Ilustración, Literatura infantil e xuvenil |

Coñecín ao ilustrador Pablo Auladell polo magnífico traballo que fixo para a edición non venal de “Un radiante silencio”, un conto de Agustín Fernández Paz que formará parte do seu próximo libro en Fóra de Xogo. O ilustrador mallorquín mantén un blog onde vai publicando parte dos traballos en marcha. Unha proposta moi interesante. Etiquetas: […]

O traballo do editor

31 Agosto, 2006 (20:08) | Edición, Editores |

Manolo Gago fíxome esta mañá un excelente agasallo. Achegoume o enlace do blog de Jean François Fogel (dentro de El Boomeran(g) do Grupo Prisa), onde no máis recente post aparecen diversas definicións de Julio Villanueva (o director da revista Etiqueta Negra) que describen o traballo do editor (de revistas ou libros): «Un editor es un […]

Escolla para o Blog day

31 Agosto, 2006 (17:54) | Blogs, Efemérides |

Creo que a efeméride de hoxe debe axudar a ampliar a nosa mirada sobre a rede. Eis a miña escolla de cinco sitios: Mirá, sitio do arxentino Julian Gallo, sempre sorprende a súa mirada sobre o mundo da comunicación. Libreros, sitio do libreiro caraqueño Roger Michelena, ofrece fermosas imaxes e reflexións sobre a lectura e […]

Preparando o Blog day

30 Agosto, 2006 (19:22) | Blogs, Efemérides |

Na reportaxe sobre os blogomillo con motivo do Blog day de mañá 31 de agosto chamoume a atención a opinión do escritor Xabier Cid valorando que o “blogomillo xa non pode ir a máis” e propoñendo unha evolución cara a produción multimedia. Creo que Cid, un dos nosos profesionais pioneiros na edición electrónica, acerta de […]

Chegou a tinta electrónica?

30 Agosto, 2006 (19:08) | Tecnoloxías, Vídeos |

Vía barbol cheguei a este vídeo onde Phillips presenta un prototipo de libro electrónico baixo a denominación de “dispositivo de tinta electrónica”. A verdade é que, a pesar desa pantalla desenrolada, aínda non lle vexo moito xeito como máquina dixital de lectura. Etiquetas: Libro

Conversas con Suso de Toro

30 Agosto, 2006 (17:52) | Autores, Xerais |

Suso de Toro publica hoxe, ao fío dos ataques que ven recibindo nas últimas semanas, unha carta ao director do xornal ABC na que cita moi oportunamente o libro de Conversas que preparou Antonio Pedrós-Gascón e editamos o pasado ano. Ler o texto das páxinas 278-280 deste libro, referidas as acusacións falsas que Fraga Iribarne […]

Xan Traba

29 Agosto, 2006 (08:14) | In memoriam |

Este agosto horrible, róubanos a outro grande amigo, Xan Traba Díaz. Entrañable e xeneroso onde os houbera, chamoume cando estabamos en Nova York. Entendín que era o seu derradeiro agasallo para nós. Obrigados, Xan. Sementaches moita luz e moita esperanza onde estivestes. Expléndido o In memoriam de Fernando Franco. Non se pode dicir mellor o […]

Campo do Fragoso XXII

28 Agosto, 2006 (23:38) | Artigos Faro de Vigo, Campo do Fragoso, Celta de Vigo, Fútbol |

BOAS VIBRACIÓNSA pesar da derrota, a estrea celeste deixou boas vibracións na bancada. O encontro como espectáculo deportivo foi unha gozada: houbo goles dabondo, alternancia no control do xogo, fermosos caneos, pases longos e cambios de orientación por parte dos dous conxuntos e, sobre todo, un vistoso enfrontamento de dúas concepcións tácticas de dous grandes […]

Provocación

28 Agosto, 2006 (17:59) | Autores, Política |

As últimas declaracións de Fraga Iribarne constitúen unha provocación contra a dignidade e racionalidade do debate político. As acusacións rencorosas que realiza contra Manuel Rivas e Suso de Toro son radicalmente falsas e non hai dúbida que forman parte da estratexia concertada dos medios da dereitona madrileña de zouparlle a estes dous afoutos escritores nosos. […]

Cartafol de gardalivros

27 Agosto, 2006 (11:58) | Bibliotecas, Blogs |

Hoxe coñecín este moi interesante blog sobre biblioteconomía, documentación e bibliotecas en Galicia, nacido a inicios deste verán. A documentación que recolle é moi valiosa e a gran cantidade de enlaces sobre o eido bibliotecario galego imprescindible. Seguirémolo coa maior atención xa que o consideramos da familia temática e das preocupacións do noso. No hai […]

Cuestión de acenos

27 Agosto, 2006 (10:29) | Blogs |

Vía Manolo Gago (outra vez) descubro o interesantísimo blog de Julián Gallo, profesor arxentino de novos medios. Mete medo ler este post sobre a análise dos acenos que realizan as forzas israelitas de seguridade no aeroporto Ben Gurion. Atopo así explicación ao que me sucedeu hai dúas semanas no JFK. Debín amosarme moi disgustado ou […]

O encadernador

27 Agosto, 2006 (09:58) | Vídeos |

Dedicado ao meu amigo Folerpa.(Vía Libreros, fonte inesgotable de coñecemento e beleza) Etiquetas: Libro, Encadernación

Miña terra galega

27 Agosto, 2006 (09:34) | Música, Vídeos |

Etiquetas: Música, Siniestro Total

Siniestro total

27 Agosto, 2006 (09:18) | Artigos Faro de Vigo, Campo de Granada, Música |

(Primeira formación de Siniestro Total, 1982) Vieiros alertounos do vinte e cinco aniversario do accidente de Siniestro Total. No artigo da semana conto o que sei sobre os preliminares do asunto e reclamo un recoñecemento colectivo para estes músicos que traballan en beneficio de todos. Etiquetas: Artigos, Música, Siniestro Total

Novos orixinais

25 Agosto, 2006 (11:27) | Narrativa, Xerais |

Nestes últimos días de verán adoitan entrar moitos orixinais. Sobre a mesa teño moi interesantes cousas para ler, que publicaremos nos vindeiros meses: dous libros de relatos para Fóra de Xogo (Sucos de bágoas e Cartas de amor), unha novela (Pecados manuais, premio concelle de Melide 2005) e un libro de narracións (Palabras contadas). A […]

A nosa dimensión tráxica

22 Agosto, 2006 (17:05) | Sociedade |

Onte mentres especulabamos sobre as razóns da catástrofe incendiaria, a nosa dimensión tráxica acentuábase, semella que sen solución de discontinuidade, co accidente de Villada.Como atinadamente sinala hoxe Juan esta nova traxedia amosa a precariedade patética e vergonzosa das actuais comunicacións de ferrocarril con Galicia (practicamente nas mesmas condicións de hai vinte e cinco anos cando […]

O ABCdario de Peonza

22 Agosto, 2006 (16:50) | Lectura, Literatura infantil e xuvenil |

O magnífico ABCdario de animación á lectura do Equipo Peonza pode consultarse no Cervantes virtual. Un deses textos imprescindibles para profes, bibliotecarios ou editores, agora, por fin on line. Moi, moi recomendable.Grazas, Tökland. Etiquetas: Animación Lectura, Peonza

Cal será a próxima?

21 Agosto, 2006 (20:53) | Sociedade, Vídeos |

Mágoa de país con semellantes tendencias suicidas!Cal será a próxima catástrofe medioambiental?(Vídeo vía Contando estrelas)Actualización (24-08-2006): os autores do vídeo son galiciaenpie.com, a cadaquén o seu. Os meus parabéns polo seu traballo Etiquetas: Galicia, Incendios

Zagat

21 Agosto, 2006 (15:42) | Cidades |

(Greenwich Village) NY é todo un bazar, onde se pode mercar case calquera cousa. O maior perigo do turista (non renego desa denominación) é transformar o seu paseo nunha interminable xornada de visitas a todo tipo de tendas. Dende as máis exclusivas da Quinta e da Madison (preto de Central Park) ás elegantísimas do Soho […]

El violinista celest

20 Agosto, 2006 (20:34) | Autores, Blogs |

Xulio Ricardo Trigo, escritor galego en lingua catalana, mantén El violinista celest, un magnífico blog sobre literatura e arte. Recomendo seguilo. Etiquetas. Blogs

Sobre os museos

20 Agosto, 2006 (09:44) | Cidades |

A oferta museística de Nova York é apabullante e dunha gran calidade. É un dos encantos maiores da cidade. O turista máis curioso, so pena de non facer outra cousa, debe escoller o que quere ver e o tempo que lle quere dedicar a cada un destes espazos culturais. A nosa escolla foi bastante medida: […]

Sobre as librarías

19 Agosto, 2006 (20:51) | Cidades, Librarías |

A cadea Barnes and Noble lidera o mercado das librarías novaiorquinas, deixando un espazo estreito para Borders e para algunhas outras cadeas especializadas en libro rebaixado. En todos os casos o modelo é semellante: integración da venda de libros, revistas, cedés de música, devedés de películas (unha oferta asombrosa comparada coa existente aquí), artigos de […]

Cara Times Square

19 Agosto, 2006 (20:41) | Cidades |

Camilo Gonsar ben sabía que Times Square é a encrucillada de todos os vieiros de Manhattan. Hoxe o máis impresionante da praza é a substitución dos neons polas pantallas. Unha auténtica golosina para os ollos. Etiquetas: NY

Sobre as bibliotecas

19 Agosto, 2006 (20:12) | Bibliotecas, Cidades |

Bryant Park é outra illa de frescura no Midtown. Detrás da 42nd Stret Library, onde había unha interesante exposición sobre a edición francesa, ábrese un parque para o lecer e a lectura. Mesas, cadeiras e libros dispostos para a lectura e o manexo dos ordenadores (é todo un espazo wifi). O esforzo da impresionante rede […]

Nacións Unidas

19 Agosto, 2006 (19:50) | Cidades |

A sede das Nacións Unidas é unha burbulla extraña á beira de Midtown. O péndulo de Foucault, doazón de Holanda, preside o hall onde están instaladas unha gran exposición de fotografía, “Tales from a globalized world”, e unha mostra de traballos sobre a paz realizada por escolares de todo o mundo. Saímos melancólicos coa impresión […]

JFK

19 Agosto, 2006 (19:08) | Cidades, Persoal |

Despois de oito horas de voo, aterramos en JFK. Nin sequera as grandes bandeiras e os retratos do presidente nos mostradores chegaron a sorprendernos; nin tampouco as longas colas para completar os trámites de entrada, pegadas dixitais e fotografías incluídas. O que sinceramente non agardabamos é que o funcionario de inmigración, despois de esculcar devagariño […]

Luís Noia, in memoriam

18 Agosto, 2006 (15:09) | Artigos Faro de Vigo, Campo de Granada, In memoriam |

O día do regreso non puido ser máis triste: morreu Luis Noia Domínguez, o noso amigo, o impresor de Gráficas Numen dende hai máis de corenta anos. Mañá sábado, á unha do mediodía, serán esparexidas as súas cinzas no peirao da Guarda. Alí estaremos testemuñando a nosa admiración e lealtade con este grande impresor comunista.Actualización […]

Pausa

8 Agosto, 2006 (23:42) | Uncategorized |

O blogueiro marcha de viaxe durante unha semaniña. Unha pausa necesaria. Actualización (13-08-2006): No artigo da semana reflexiono sobre a catástrofe dos incendios. Etiquetas: Artigos

Galicia en chamas

7 Agosto, 2006 (16:33) | Sociedade, Vídeos |

Etiquetas: Incendios, Galicia

Novos blogs

7 Agosto, 2006 (12:21) | Blogs |

Hoxe coñecín dous novos blogs: o completísimo de Ana Bande (achegando textos moi interesantes sobre a lectura e a biblioteca) e Galiza-Israel (proporcionando unha perspectiva dende Israel, pouco frecuente nos nosos debates, ao conflicto xudeu-palestino). Merecen a nosa atención. Etiquetas: Blogs

Arde a nosa pel

7 Agosto, 2006 (09:33) | Sociedade |

Cando onte á noitiña deixamos a Pawley na Coruña, despois da asinatura de Agustín e da recollida dos premios Lecturas, non sabiamos que na nosa viaxe pola autoestrada comprobariamos tan de preto o horror provocado polos terroristas do lume. Xa pasaramos unha Compostela sitiada por unha mesta nube de fume mais, en chegando a á […]

Novelísima

7 Agosto, 2006 (09:18) | Críticas, Xerais |

Velaí a agardada crítica de Martin Pawley: novelísima! Foto de Xurxo Lobato (A Coruña 22 de xullo de 2006) Etiquetas: Rivas

O atasco do PXOM

6 Agosto, 2006 (08:09) | Artigos Faro de Vigo, Campo de Granada, Vigo |

No artigo da semana propoño que as direccións nacionais dos tres partidos sexan as que se fagan cargo da solución do problema urbanístico de Vigo. Etiquetas: Artigos, Vigo

Ritmo latino

4 Agosto, 2006 (21:05) | Música |

powered by ODEO Case unha hora de ritmos latinos.Un agasallo para unha noite de verán ben quente e afumada. Etiquetas: Música

Tanxarina

4 Agosto, 2006 (20:39) | Teatro |

Os bos amigos de Tanxarina abriron este novo palco ben chuliño. Tatán, Miguel e Andrés levan máis de dúas décadas termando desta compañía de teatro de títeres que constitúe outro orgullo da creatividade nosa. Alédome que este verán teñan unha axenda ben completa. Tanxarina en rota! Etiquetas: Tanxarina, Teatro

Ler nas praias

4 Agosto, 2006 (10:54) | Imaxes, Lectura |

A caravana de promoción da lectura nas praias, promovida polo Ministerio de Cultura e a Federación de Gremio de Editores de España, resultou un auténtico fiasco en Galicia. O “descoñecemento” máis absoluto da toponimia oficial dos organizadores amosa, outra volta, o fracaso radical e a inutilidade destas campañas, deseñadas e concibidas dende unha óptica centralista […]

Teresa Cristina

3 Agosto, 2006 (09:51) | Música |

Onte na Feira, mentres Suso asinaba e asinaba, parrafeei un bo anaco con Pawley. Inevitablemente caimos a comentar as nas nosas querenzas musicais e literarias brasileiras. El recomendoume a Maria Rita e eu non puiden máis que aconsellarlle que abrazase o choriño da Teresa Cristina interpretando ao Paulinho da Viola (un dobre cedé xenial). A […]

O PXOM de Vigo atascado

2 Agosto, 2006 (11:59) | Vigo |

Un clarificador post de Pablo Eifonso explica as razóns do atasco xurídico do PXOM de Vigo. A teimosía dos defensores do documento, diante de semellantes argumentos, é dificilmente explicable. Etiquetas: Vigo

Arden os libros

2 Agosto, 2006 (11:54) | Imaxes, Xerais |

O cheiro do libro de Rivas chegoulle ao ilustrador do semanal da Vanguardia. Etiquetas: Rivas

A Feira de Pawley

2 Agosto, 2006 (08:49) | Eventos |

Como xa sucedera o pasado ano, un dos maiores atractivos da Feira da Coruña van ser as crónicas de Martin Pawley. Pouco podo engadir á reportaxe que el fixo da primeira xornada, na que participei presentando o primeiro volume das memorias de Neira Vilas. Antes de iniciar o acto Pepe, que estaba ben animado, contounos […]

Taxes e Varela Buxán

1 Agosto, 2006 (11:18) | Autores, Teatro, Xerais |

Hoxe recibimos os orixinais das edicións das obras teatrais completas de Manuel Varela Buxán e Francisco Taxes, que publicaremos dentro da colección BLG dirixida por Ramón Nicolás. Penso que estas dúas edicións de dous importantes autores da nosa dramaturxia do vinte van constituír un fito, tanto polo feito da fixación definitiva dos textos como polo […]