Os libros de mañá (II)

23 Xaneiro, 2008 (19:05) | Eventos, Libro, Literacidade

Recomendo a lectura da reportaxe de Vieiros, a raíz da mesa redonda de hoxe, sobre cómo serán “os libros de mañán”. Recollo un parágrafo das miñas declaracións que resumen opinións verquidas no blog:
“E mais un exemplo: dende hai dous anos a Editorial Xerais está producindo libros que non se imprimen, que se distribúen directamente en pdf, fundamentalmente dirixidos a centros educativos. Para Manuel Bragado, director de Xerais, “o futuro do libro xa está aquí”. Bragado afirma que “debemos quitarnos da cabeza o concepto de que o libro é un soporte impreso; non está definido polo soporte, senón pola actividade cognitiva que suscita”. Así, Bragado amósase convencido de que se vai modificar a cultura escrita, vixente nos últimos 500 anos, porque cada tempo ten unha forma de lectura e escritura propia, unha literacidade de seu.”

Etiquetas:
Chuzame! A Facebook A Twitter

Comentarios

Comment from occam
Date: 24 Xaneiro 2008, 11:37 p.m.

En efecto o que define o obxeto libro ou xornal son os contidos. Estou certo que, tal e como se dixo na mesa redonda, aos libros lles agarda o mesmo destino que aos xornais. No ámbito científico hai xa anos que ninguén emprega o soporte en papel, e mesmo plantexar este debate nese ámbito veríase como unha excentricidade