Comentarios en: O futuro dos libros dixitais

Por: Xaquín

Xaquín — Wed, 18 Nov 2009 22:01:13 +0000

Cando os autores (e os seus representantes) se decatarán de que en internet só hai ceros e uns (non existen as palabras), hai virus que te poden mesturar unha páxina do Quixote con unha telenovela venezolana…, cando se darán conta que os “dereitos analóxicos” non teñen cabida na “rede dixital”??????

Por: VI Simposio «O libro e a lectura» | O levantador de minas

VI Simposio «O libro e a lectura» | O levantador de minas — Mon, 16 Nov 2009 22:02:19 +0000

[...] Manuel Bragado: «[...] As utilidades dixitais da lectura sobre pantallas triunfarán tamén no mundo da comunicación cultural. A razón do seu éxito residirá nas formidables potencialidades atesouradas pola prosa electrónica, que permite por medio dun clic enriquecer o contido dun texto enlazándoo con outros externos (o fenómeno coñecido como “intertextualidade”) ou con imaxes e sons interactúando con el (a chamada “multimodalidade” tan característica da internet 2.0, onde xunto aos textos aparecen fotos, vídeos ou arquivos musicais). Noutras palabras, esta nova forma de ler e escribir sobre pantallas (o que chamamos “literacidade electrónica”) permitirá novas e mellores posibilidades de creación e de acceso ao coñecemento e á información. [...]» [...]

Por: Luz

Luz — Sun, 15 Nov 2009 20:22:43 +0000

O DRM non é un mal é unha necesidade, protexe a propiedade intelectual. Se lle discute a un propietario o seu dereito a seguir sendo o titular dunha propiedade por tela alugada?. Haberá que artellar instrumentos para concienciar aos usuarios da rede de que a posta a disposición dos públicos dos bens e obras culturais non implica a súa apropiación, en bastantes ocasións para usos ilexitimos.

Por: xarubal

xarubal — Sun, 15 Nov 2009 19:59:46 +0000

Comparto con vostede o entusiasmo polo libro electrónico pero non poido deixar de discrepar co contido do último parágrafo. Entendo que é preciso preservar a cadea de valor do libro e que os libros dixitais tamén se deben comprar, igual que a música en Internet. O que no comparto é a confusión entre a defensa do direito a vivir dignamente de todo o sector do libro e a imposición de esquemas de restrición de dereitos (DRM) que consideran que calquera comprador é un delincuente e que limitan o uso do produto que mercamos.

En particular, seguro que voste é consciente de que cando un lector merca un e-book de Xerais no formato de Adobe non está a mercar un libro, está a arrendar o direito de ler un libro. Non pode prestalo libremente, non pode volver a vendelo libremente, non pode protexerse de que a súa editorial ou a distribuidora vaia ao tacho e perda toda a súa biblioteca dixital.

Para sermos honrados, tamén deberíamos comentar estes puntos, máxime cando hai alternativas. Vostede seguro que é consciente de que no mundo da música en Internet o caso de éxito máis coñecido non impón esas restricións. Entendo que tamén coñece editoriais de éxito que non impoñen esas restricións draconianas aos seus lectores (http://www.pragprog.com/).

Gustaríame que os profesionais do libro reflexionasen sobre este asunto, especialmente os que se ocupan da cultura galega, que ten unha base de lectores militante e honrada. Eu creo que non merecemos que nos prexulguen como delincuentes.

Por: Tati Mancebo

Tati Mancebo — Sun, 15 Nov 2009 12:03:19 +0000

“[...] se non se supera a actual identificación do dixital co gratuito (para unha boa parte dos usuarios de Internet todo o contido que alí aparece debe ser de balde, esquecendo o pagamento que realizan polo servizo de acceso ou polos caros consumibles das impresoras), non haberá posibilidade de reconstruír unha cadea de valor intersectorial para a edición profesional dos libros dixitais.”

Estou convencida de que se isto for así no ámbito do galego, todo o corpus da literatura galega tería sido xa dixitalizado e espallado, como o foi o da literatura en castelán. Se isto aínda non aconteceu é por pura militancia.

Por: Brétemas sobre o futuro dos libros dixitais ás Tati Mancebo

Brétemas sobre o futuro dos libros dixitais ás Tati Mancebo — Sun, 15 Nov 2009 11:59:41 +0000

[...] víaBrétemas » O futuro dos libros dixitais. Publicado en Recollido e anotado | Sin Comentarios [...]